Nafarroako Gobernuak zabaldu duenez, desagertutako 35 urteko gizonezkoak maiz egiten zuen itzulia zen atzokoa, Ixkibarko itzulia, herrigunetik zortzi kilometrotara dagoen parajean. Anaiak eman zuen larrialdi zerbitzuetan abisua, 22:00etan lanera agertu ez zenean. Gaueko lehenbiziko orduetan bere autoa Ixkibarko aparkalekuan aurkitu zuten, eta 23:00 aldera hasi zituzten bilaketa lanak Leitzako suhiltzaile boluntarioek eta Cordovillako eta Erreskate Teknikoko suhiltzaileek, foruzainek, Salbamenduko Txakur Taldeko boluntarioek eta Leitzako senideek eta herritarrek. Gau osoan aritu dira bilaketa lanetan, baina ez dute aurkitu eta goizean, 08:00etan, helikoptero bat eta guardia zibilak ere bilaketan hasi dira.
