Itxura denez, 35 urteko gizonezkoa Ixkibarko itzulia egitera atera zen atzo, Leitzalarrean barrena, eta anaiak gauean eman zuen abisua, 22:00etan gaueko txanda egitera lanera joan ez zela ikusi zuenean. Atzo gauean hasi ziren bilaketa lanetan Leitzako suhiltzaile boluntarioak, Cordovillako parkeko suhiltzaileak eta Erreskate Teknikoko kideak, foruzainak, Salbamendu Txakurren Taldeko boluntarioak, senitartekoak eta bizilagunak. Gau osoan bilatzen eman dute baina ez dute emaitzarik izan, eta gaur, 8etatik aurrera, helikoptero bat eta Guardia Zibileko agenteak ere ibili dira gaztearen bila.
Azkenean, 11:30ak aldera deitu du 112 telefonora Goizuetako bizilagun batek gazte leitzarra Goizuetan agertu dela abisatuz.