Aranoko, Aresoko, Goizuetako eta Leitzako udalek argibide hauek eman dituzte biharko txertaketaren harira:
- Kiroldegira esandako orduan joan beharko du txertoa hartzera, ez goizegi, ez berandu.
- NANa aurkeztea ezinbestekoa izanen da.
- Musukoa jantzita joan behar da.
- Leitzan bizi direnei «ahal bada» kiroldegira oinez joateko eskatu diete.
- Aranoko, Aresoko eta Goizuetako herritarrek kotxea frontoiaren ondoko gunea utzi ahal izanen dute.
- Ibiltzeko zailtasunak tarteko, txertaketa kotxean egin behar bada, kiroldegi ondoko gunea erabiliko dute horretarako.
- Boluntarioen jarraibideei kasu egiteko ere eskatu dute.
Txertaketa Leitzaldea-Urumealdean
- Maiatzaren 4an, 70-79 urte bitartekoek txertoaren bigarren dosia hartuko dute.
- Maiatzaren 5ean, 66-67 urtekoek lehenbiziko dosia hartuko dute.
- Maiatzaren 11n, 68-69 urtekoak lehenbiziko dosiarekin txertatuko dituzte.
- Uztailaren 8an 60-65 urte bitartekoek txertoaren bigarren dosia hartuko dute.