Nafarroako Gobernuko osasun agintariekin eta Leitzako Osasun Zentroko arduradunekin harremanetan jarri ondotik erabaki du Leitzako Udalak oharra kaleratzea. Dioenez, «herritar gehiago kutsatu da, horietako gehienak azken aldian sortutako eta oso kutsakorrak diren zepa berrien ondorioz, eta gainera, hainbat iturri eta foku daude». Hori horrela, egoera «kezkagarria» dela nabarmendu du.
Egoerak okerrera egin ez dezan, «babes neurriak modu zorrotzean errespetatzeko» eskatu du Leitzako Udalak, eta «ahal bada areagotzeko eskatzen dizuegu».