Azpiegitura hau HeliNET proiektuaren parte da, larrialdietan, erreskateetan edo hondamendi naturaletan erantzun-denborak optimizatzen laguntzen duten helikopteroen sare logistikoa handitzeko. Horretarako, Lehendakaritza, Berdintasun, Funtzio Publiko eta Barne Sailak zazpi heliazalera eraikitzeko obrak lizitatu zituen: Etxalarren, Leitzan, Saldiasen, Izaban, Iruñean, Ultzaman eta Lekunberrin. Egitasmoak 177.159,81 euroko aurrekontua du eta % 65a Europako Diru Funtsarekin finantzatuko da.
Noiz da heliportua eta noiz heliazalera?
Heliportuaren eta heliazaleraren artean dagoen oinarrizko aldea zera da: heliportuetan helikopteroak maiz lur-hartu eta aireratzeko prestatuak daude, eta heliazalerak, aldiz, helikopteroak noizbehinka bakarrik ibiltzeko prestatuta dauden azalerak dira.
