Eraikinak antolaketa berria izanen du hemendik aurrera. Gaztetxeko tabernak esaterako, barra luzeagoa jartzeko aukera izanen du aurrerantzean, eta lehendabiziko solairuan lau gela sortu dira. Ganbaran, berriz, bi lokal eder eta txukun prestatu dituzte.
Astez eragile desberdinetako herritarrak margotze lanekin hasi baziren ere, larunbat goizerako Goizuetako Udalak deitutako auzolana benetan arrakastatsua izan zen. 20 lagun inguru, musikaz lagunduta, giro ederrean aritu ziren berritutako eraikinari kolorea ematen.
Historia eta istorio askoren sehaska izandakoa da Iriartenea edo Tifanitxo eraikina, eta seguru hemendik aurrera ere herriari bizia emanen dioten hainbat proiektu ikusiko dituela jaiotzen.