Joan den maiatzaren 10ean Goizuetako baserritar bati betizu bat bala-tiroz hil zioten. Foruzaingoak ikerketa abiatzearekin batera, tiratzaileak (J.J.I.) egindakoa onartu zuen eta, epaiketaren ondotik, errudunari ezarritako zigorra argitara eman dute.
Batetik, betizua hil zuenak 800 euroko kalte-ordaina eman beharko dio betizuaren nagusiari. Bestetik, tiratzaileari bi hilabeteko kartzela zigorra ezarri diote, gerora, 960 euroko isunarekin aldatu dutena. Eta, horrez gain, epaiketako kostuak bere gain hartu beharko ditu. Kalte ekonomiko horiez gain, denbora baterako, armak erabiltzeko eta aziendak zaintzeko baimena kendu dizkiote tiratzaileari.
