Udalak herriko komertzio eta zerbitzuak indartu, itxita egon direnei esku bat bota eta lanean jardun duten guztiei eskerrak emateko kanpaina berezia jarri du martxan. 300 erosketa bonu jarri ditu herritarren eskura; hogei euroren truke, bost eurosko bost erosketa bonu lortzeko aukera emanez.
Herriko hainbat saltokik, ostatuk eta jatetxek parte hartu dute kanpaina honetan. Zehazki, Zubidendan, Coviranen, harategian, farmazian, estankoan eta arropa dendan, Izkinan, Mutun, Zubiondon, Oxeguardan, Ixkibin, Amaia kafetegian, Irati ileapaindegian eta Kiribil ileapaindegian bost euro baino gehiagoko erosketa egiten dutenean erabili ahal izanen dituzte bonuak.