Aurtengo egoera berezia dela, «gure gogoaren baitan pestak egonda ere, ezin dugu beste alde batera begiratu» zioten oharrean. Herritarrei animoak ere bidali dizkiete: «borondatearen eta lanaren indarraz, irudimenaren handitasunaz eta herri baten ekimen geldiezinaz Leitzako herriak aurrera darrai. Gora Leitzako herria!».
Leitzako Pesta Batzordeak atzo gauean, maiatzaren 21ean, jakinarazi zien herritarrei erabakia. Covid-19 pandemiak sortutako testuingurua dela eta aurtengo herriko pesten antolaketa bertan behera uztea erabaki dute. Dena den, abuzturako oraindik hilabeteak falta direnez, pesta batzordeak biltzen jarraituko duela ere jakinarazi dute: «momentuan momentuko balorazioa egiteko».
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun