Etxe eta baserrietako erronda osatu bitartean, kontu, kanta eta dantzarako aitzakia izaten da sanpedroen bereizgarrietako bat; herritarren arteko hartu-eman berezia sortzea. Elkartean ere bildu ohi dira afaltzeko, ostiralean Lagunartekoen afarian eta larunbatean herri afari jendetsuan. COVID-19ak eraginda, hori horrela antolatzea ezinezkoa dela ikusita, aurten sanpedrorik ez ospatzea erabaki dute.
Koloretako atorra jantzi eta eskean ibiltzeko heldu den urtera arte itxaron beharko dute Aresoko Lagunarteko kideek. Gaur gaurkoz, festa ohiko moduan ospatzeko baldintzak ez direla betetzen ikusita, ekaineko azkeneko asteburuko ospakizunak bertan behera uztea erabaki dute.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun