Apirilaren 23an, 19:30ean Ingurutxoa dantzatuko dute balkoian. Belauntzikoa, jota eta porrusalda dantzatuko dituzte. Instrumentuekin jotzen dakitenei edo musika ekipoa dutenei abestiak jo edo musika jartzea eskertuko dietela aipatu dute.
Apirilaren 24an, goizean, Satelite irratiaren saio berri bat izanen da entzungai Karrape irratian, Youtuben eta sare sozialetan. Lehiaketa berezia ere eginen dute. Arratsaldean, berriz, pintxo potea eginen dute. Horretarako, pintxoak prestatu eta argazkiak sare sozialetara edo atekabeltz@gmail.com helbidera bidal daitezke.
Apirilaren 25ean, Irain DJak saioa eskainiko du Instagram bidez zuzenean.
Horretaz gain, hiru egunetik behin erronkak luzatuko dituzte Instagram eta Facebook kontuetan. Erakusketa birtuala ere martxan dute. Egunero ikus daiteke atekabeltz.wixsite.com/sortzaileentxokoa helbidean.