Koronabirusa

Maskarak egiteko materiala eskuragarri jarri dute goizuetarrentzat

Ttipi-Ttapa 2020ko api. 20a, 14:00
Maskarak erraz egiten ahal dira, 15-20 segundoko lana da.

Oihal berezi batzuk eta gomak utzi ditu herritar batek, Goizuetako Udalaren esku. Estankoan eskatu daitezke, etxe bakoitzeko poltsa bakarra. Bideoa jarri dute, maskarak nola egin ikusteko.

Gero eta gehiago dira, etxean bere maskara propioak egiten ari direnak; eta herritarrei lan hori errazteko, materiala jarri dute haien eskura, Goizuetan. Oihal berezi batzuk eta gomak eman dizkio herritar batek Goizuetako Udalari, eta estankoan eskatu daitezke.

Etxe bakoitzeko, poltsa bana eskatu daiteke, eta bost oihal eta bi goma daude poltsa bakoitzaren barruan. «Baliteke gomarik gabeko poltsak egotea, hala ere, ez baitago oihal adina goma».

Tissu berezi batekin egindako oihaltxoak dira herritar horrek emandakoak, biodegradagarriak eta hidrosolubleak.

 

Maskak nola egin jakiteko, bideoa ikusgai

Material horrekin, erraza da maskarak egitea. Nola egin erakusteko, bideoa jarri du Goi­zuetako Udalak, bere web orrian (goizueta.eus), maskaren ma­terialaren albistearekin batera. Bideoa ikusteko, egin klik hemen.

Emandako oihala bi ertzeta­tik tolestu (dagoeneko eginda dituzte tolesdurak) behar da, eta ba­koitzean goma bana jarri, bela­rrietan lotu ahal izateko. 15-20 segundoko lana da.

Maskara hauek erabiltzeko gomendioak ere eman ditu Uda­lak: leku itxietan edo 2 metroko tartea mantentzerik ez dagoen lekuetan erabili; garbitu eskuak erabili aurretik eta ondoren; ongi estali ahoa eta sudurra, mas­kara eta aurpegiaren artean tarterik utzi gabe; goma­tik hasita kendu; aldatu heze da­goenean edo hondatzen denean; ez ukitu aurrealdea, eta ukituz gero, eskuak garbitu. «Argi izan ez dela babes ekipamendu bat, baina kutsaduraren hedapena mugatzen du. Maskara era­bil­tzeaz gain, eskuak ongi garbitu eta segurtasun distantzia man­tendu», dio Goizuetako udalaren oharrak.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun