#Etxetik Mundura

Leitzako Kaxkabeltza Elkarteak bideo kanpaina berezia abiatu du

Ttipi-Ttapa 2020ko api. 15a, 11:30
Herrian erosketak egin zituzten bezeroak saritzeko, 2.000 euro banatu zituzten Eguberrietan Kaxkabeltza Elkartekoek .

Nik Leitzan erosten dut... esaldia osatuz bideo bat grabatu eta elkarteko kideei apirilaren 17a baino lehenago bidaltzeko gonbidapena luzatu dute. Parte-hartzaileen artean 100 euroko erosketa txartela zozketatuko dute.

Asko dira herrian erosteko arrazoiak eta herritarrei hitza emanda horiek guztiak bildu nahi izan dituzte: Jasangarriagoa delako, herri bizi bat maite dudalako, bertako ekonomia sustatzen duelako, euskaraz erostea atsegin dudalako, lagunak, auzokideak edo senitartekoak direlako, tratu pertsonalizatua ematen dutelako... Parte hartu nahi dutenek bideoa kaxkabeltza@gmail.com helbidera bidali beharko du apirilaren 17a baino lehenago. 

Bideoak sare sozialetan zabalduko dituzte eta Kaxkabeltza Elkarteko kanpainetan erabiliko dira. Parte-hartzea saritzeko, ehun euroko erosketa txartelaren zozketa apirilaren 20an eginen dute Karrape irratian.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun