FAB Nafarroa taldeak Nafarroa osoko 500 boluntario biltzea lortu du, modu guztiz altruistan, 3D inprimagailu bidez babes-maskarak egin eta banatzeko. Dagoeneko 5.000 babes-maskara baino gehiago entregatu dituzte, ospitale, egoitza eta segurtasun erakundeetan, egunean 100 bidalketa baino gehiago eginez.
Premia larrienak asetzen dituztenean, jendaurrean dagoen pertsona orok bere babesa izatea nahi dute. Horregatik, eskaerak egiteko aukera zabaldu dute. Interesa duenak establezimenduaren izena, herria, posta helbidea, lan ordutegia eta langile kopurua bidali beharko ditu proiektuak@sakanagaratzen.com helbidera.