Apirilaren 4an, zerbait handia egin nahi du Goizuetako Udalak. «Bidal diezaiegun inoiz ahaztuko ez dugun txalo zaparrada ospitaleetan lanean ari direnei. Gure herriko xaharrei eta pazientzia handiz etxean sartuta dauden umeei. Gure etxeetan janaria eta botikak falta ez daitezen lan eta lan ari diren merkatariei. Etxean gelditu nahi, baina halabeharrez lanera joan behar dutenei. Birusa harrapatu dutenei eta etxean geratzeagatik harrapatuko ez dutenei», dio oharrak.
«Larunbat honetan 20:00etan atera gaitezen Goizuetako balkoi/leihoetara eta sentitu dezagun elkarrekin gaudela. Elkar zaintzen badugu, hau dena askoz errezagoa izango da».