Areson eskola eta Udaletxea itxita daude. Sastinea taberna-dendan, taberna itxita dute eta saltokian eskaintzen dute zerbitzua: ogia, elikagai eta edariak eta prentsa.
Leitzan ere udal zerbitzu guztiak itxita daude baita ikastetxeak ere. Kaxkabeltza elkarteko kideen artean, batzuk ixtea erabaki dute, besteek ordutegia murriztu edo bezeroek behar bereziak dituztenetarako telefonoa jarri dute eskuragarri. Oinarrizko lehengaiak eskaintzen dituzten dendak soilik daude irekita eta guztietan segurtasun neurri zorrotzak ari dira betetzen: besteak beste, bi metroko distantzia ziurtatzeko neurriak eta bezero kopurua mugatzea.