Osasun prebentzioari garrantzia eman eta martxoaren 14an Leitzan egitekoa zuten Independentzia Eguna atzeratzea erabaki duela jakinarazi berri du Mendialdeko Ernaik. Bazkarirako txartelak erosiak dituztenei dirua itzuliko dietela ere azaldu dute; horretarako, antolatzaileekin harremanetan jarri beharko dute.
Bestalde, Leitzako Udalak ohar bidez jakinarazi du ostiralero Leitzako plazan egiten den azoka bertan behera geldituko dela. Koronabirusaren afera hartzen ari den itxura ikusita hartu duten erabakia izan dela gaineratu dute Neurriak noiz arte iraunen duen ez dute zehaztu. Berriz ere antolatzen hastea erabakitzen dutenean herritar zein bisitariei abisatuko dietela esan du udalak.