Abenduaren 13an egin zuten Aralar-Urbasa Landetxeen Elkarteak antolatutako argazki lehiaketako sari-banaketa ekitaldia. Eskualdean, Goizuetan, gelditu dira sarietako bi: Eli Apezetxea izan da irabazlea Goizuetako zubia, ur ttanttaz bizia argazkiarekin, bigarren saria Jokin Fernandez donostiarrak eskuratu du Igaratza lanarekin eta Alaitz Eskudero goizuetarra izan da hirugarren, Goizuetako Inauteriak argazkiarekin.
Irabazleak asteburuko egonaldia irabazi du Nafarroako landetxe bateaan. Bigarren geratu denak, otordua inguruko jatetxe batean eta hirugarren saria bertako produktuekin osatutako otarra izan da. Hitzordua elkartearen webgune berria erakusteko ere baliatu zuten.