EH Bilduk gorakada eta Geroa Baik beherakada Leitzaldean

Ttipi-Ttapa 2019ko aza. 11a, 11:13

EH Bilduk apirileko hauteskundeetan baino 108 boto gehiago eskuratu ditu Arano, Areso, Goizueta eta Leitzan.

EH Bildu izan da alderdirik bozkatuena Arano, Areso, Goizueta eta Leitzan. Boto-emaileen %64,14ak egin du beraien aldeko apustua. Denera 1.329 bozka jaso dituzte eta apirileko hauteskundeetako emaitzak hobetu dituzte, 108 boto gehiago lortuta. Geroa Baik, berriz, beherakada nabarmena izan du: 207 boto galdu ditu (%55,95eko galera) eta bigarren indarra izatetik laugarrena izatera pasa da.

PSOEk 219 boto lortu ditu (%10, 57), bigarren alderdi bozkatuena da, baina duela zazpi hilabeteko hauteskundeetan baino 28 boto gutxiago eskuratu ditu. Hirugarren indarra Unidas Podemos izan da, 171 botorekin (%8,26), apirilean baino 32 boto gutxiago. Geroa Bai izan da laugarraren, 163 botorekin (%7,97).

Navarra Suma eta Voxek ere botoak galdu dituzte. Aurrenekoak 143 boto lortu ditu eta bigarrenak 29, apirilean baino 20 eta 2 boto gutxiago, hurrenez hurren, ELAK 1, PUM+Jk 1 eta Recortes Cero-Grupo Verdek 1.

Denera, 2.089 pertsonek eman dute botoa, duela zazpi hilabeteko hauteskundeetan baino 188 lagun gutxiagok eman dute botoa. Abstentzioa %34,31koa izan da.

Emaitzak herriz herri:

Politika Leitzaldea

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.

Egin TTIPI-TTAPAren lagun