Goizuetako Udalak hilabeteko azken asteartetan eginen ditu plenoak

Alkateak eta sei zinegotziek agintaldi honetan izanen dituzten ardurak banatu dituzte Goizuetan. Sei arlo berezi dituzte: hirigintza, komunikazioa eta parte-hartzea, ingurumena, gizartea, garapena eta turismoa eta kultura. Alkateordea, berriz, Alaitz Eskudero  izanen da.

Hirigintzako zinegotzia Unai Miranda alkatea izanen da, komunikazio eta parte-hartzeko zinegotzia Alaitz Eskudero, ingurumen zinegotzia Imanol Legarreta izanen da eta gizarte gaietakoa Maialen Apezetxea. Garapen eta Turismoko zinegotziak Ana Uitzi eta Iñaki Etxeberria izanen dira eta kulturakoa Igaratza Apezetxea.

Bertze erakundeetako ordezkariak

UEMAko eta Nafarroako Iparraldeko Euskara Mankomunitateko ordezkariak Alaitz Eskudero eta Igaratza Apezetxea izanen dira. Cederna Garalur elkartean Iñaki Etxeberria eta Ana Uitzi ibliko dira eta Aralar Musika Eskolako ordezkaria Igaratza Apezetxea izanen da. Udalbiltzakoa, berriz, Unai Miranda alkatea izanen da eta Gizarte Zerbitzuen Mankomunitateko ordezkariak Maialen Apezetxea eta Ana Uitzi. Mendialdea Mankomunitatean, berriz, Unai Miranda eta Iñaki Etxeberria ibiliko dira.

Kontuen batzordeko presidentea alkatea bera izanen da eta Imanol Legarretak eta Iñaki Etxeberriak ere parte hartuko dute.

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun