M8 Emakumearen Nazioarteko Eguna 2019

Emakumearen Egunaren bezperan 'Neskatoak' dokumentala eskainiko dute Leitzan

Ttipi-Ttapa 2019ko mar. 4a, 08:00
Jon Abrilek zuzendutako dokumentalak frankismo garaian Ipar Euskal Herrira neskato-lanetan aritzera joan ziren Baztan-Bidasoko emakumeen historia du ardatz.

Biharamuneko greba egunean grebalarien bazkaria eginen dute, 14:30ean Leitzako plazan 

Martxoaren 8ko Emakumezkoen Nazioarteko Egunaren harira, hainbat ekitaldi antolatu ditu Leitzaldeko talde feministak. Bezperan, ostegunean, Neskatoak dokumentala eskainiko dute, 22:00etan udaletxean. 

Jon Abrilek zuzendutako dokumentalak frankismo garaian Ipar Euskal Herrira neskato-lanetan aritzera joan ziren Baztan-Bidasoko emakumeen historia du ardatz.

 

Egun osoko egitaraua

00:00etan, herriko plazatik abiatuta, aldarrikapen burrunbadarekin hasiko dute eguna. 08:00etan, herriko plazan txoko feminista paratuko dute. 11:45ean zutabeen irteera eginen dute, plazatik, Atekabeltzetik eta eskolatik abiatuko dira. Eguediko 12:00etan, berriz, Lopeneko biribilgunean elkarretaratzea eginen dute.

Ondotik, grebalarien bazkaria eginen dute 14:30ean. Bazkalondoan, 17:00etan, dantza ekuatorriarrak dantzatu ahal izanen dituzte. 19:00etan manifestazioa eginen dute, plazatik abiatuta eta guateke feministarekin borobilduko dute eguna. Musika, pintxoak, edatekoa... izanen dituzte. 

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun