Urte osoan egun bakarrean irekitzen denez, jende aunitz hurbiltzen da Artikutzara, antzina errentak ordaintzeko eta egun bestarako aitzakia den San Agustin egunean. Urtero bezala, egun osoko besta ospatuko da gaur.
08:00etarako ateak ireki badituzte ere, 11:00etako mezarekin hasi dute eguna. 11:30ean pilota partidak izan dira. Arratsaldean, 17:00etan, Donato Larretxea eta Joxe Mari Olasagasti Aitzol Atutxa eta Ugaitz Mugerzaren kontra ariko dira aizkoran; harri-jasotzen, aldiz, Inaxio Perurena. Ondotik, 19:00etan, dantzarako aukera izanen dute.
