«Betiko jana» egiten dute bertan, «orain, negu partera, etxeko tripakiak, zerri hankak, odolkiak…Horrez gain, haragia eta arraina normalean brasan egiten ditugu. Txuleta aunitz eskatzen digute eta arraina ere hagitz gustura jaten dute: amuarraina, lupia… egunero izaten ditugu bi arrain diferente». Gainera, «sagardotegiko menua ere eskaintzen dugu».
Uda «ongi» joan da, «baina bertze urteetan baino lasaiago», eta orain udazkenari begira daude: «usoa menu berezirako egiten dugu, eta jende aunitzek ekartzen dizkigu ehizatutako usoak, prestatu eta etxera eramateko». Bezero aldetik ere ez da kexu, «aste tartez langile aunitz etortzen dira eta asteburuetan edo egun seinalatuetan inguruko jendea ere bai. Gainera, bide berdetik hurbil gaudenez, bizikletan pasatzen den jende aunitz gelditzen da».