Euskal Herriko dantza sueltoko txapelketarik ezagunena da Segurakoa, maila handiko dantzariak biltzen dituen hitzordua. 1977an Seguran egin zuten lehenbiziko aldiz, eta geroztik, han egiten dute urtero.
Urtarrilean, TTIPI-TTAPAk egindako elkarrizketan, Iriartek «noizbait» Segurako txapelketan parte hartzea gustatuko litzaiokeela aitortu zuen. Uste baino agudoago bete du ametsa. 15 urte bertzerik ez, eta larunbatean hantxe izan zen Tolosako Amane Uranga Lopezekin. Sailkapenean zazpigarren gelditu ziren, eta gainera, Nafarroako Gobernuak ematen duen saria eskuratu zuten. Zorionak!
