Imanol ERKIZIA IRAZOKI, Ibardingo gasolindegiko arduraduna.
Esperientzia handia du Ibardingo gasolindegian Imanol Erkiziak, 21 urtez aritu baita bertan lanean: «erregaia eta kotxearentzako bertzelako produktuak» eskaintzen dituzte bertan. Kontatu duenez, «gure bezeroa inguruko jendea eta udan oporretan heldu dena da, erosketak egitera etortzen dira eta bidaia aprobetxatuz, gasolina ere hartzen dute». Gainera, «mugan egonik, Iparraldetik eta Frantziatik heldu da jende gehiena, tabako, alkohol eta erregai eske. Prezioan diferentzia handia nabari dute».
Lanarekin kontent da, «faltarik ez dugu. Sasoiaren arabera jende gehiago edo guttiago izaten dugu, baina beti bada jendea. Lehen alde gehiago izaten zen udatik negura, orain urte guzian banatzen dira bezeroak».
Gainera, «jendea ez da erostera bakarrik etortzen. Aunitzek mendian itzulia egiten dute, gero erosketak, bazkaldu eta etxera buelta; egun pasa egiteko plana. Mendi tartean dago, laku bat du ondoan eta toki polita da Ibardin».
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.