Modu berean, gogoratu behar da joan den asteazkenean Iruñeko Larrabiden egindako proba batean ere, 400 metro hesidunetan, Europako txapelkerako aukera ematen duen guttieneko denbora hobetu zuela lau segundo hamarrekotan. 53.10 egin zuen eta minimoa 53.50 zen.
Orain, uztailaren 4an eta 5ean Castellón jokatuko den Espainiako txapelketan parte hartzekoa da korrikalari lesakarra eta hor lortzen duen emaitzak ere zerikusia izan dezake uztailaren 16tik 19ra Italiako Rieti hirian jokatuko den Europako txapelketan parte hartzeko. Eñaut Arburuak, beraz, bertan parte hartzeko aukera dauka, baina hautatzaileek izanen dute azken hitza.