Kontua da, apirilaren 18an Ordizian jokatutako 400 metro hesidunetako Gipuzkoako txapelketan ere bigarren izan zela, Espainiako txapelketara joateko eskatzen zen guttieneko marka hobetuz modalitate honetan ere (56,25 segundo eskatzen zuten eta ia bi segundotan gainditu zuen, 54,38). Beraz, Espainiako txapelketan, 400 metro lauan edo hesidunetan, zein probatan parte hartu aukeratu beharko du Eñaut Arburuak.
Klub arteko txapelketa absolutuan bigarren
Joan den astean, Euskadiko klub arteko txapelketa absolutuan ere parte hartu zuen Eñaut Arburuak eta bere proba, 400 metro hesidunak, irabazi zuen gainera, bere kategorian erabiltzen direnak baino hesi altuagoak gaindituz. Honela, berari zegokion probako puntuazio altuena eman zion sailkapen orokorrean txapeldunorde izan zen Irungo Bidasoa Atletiko Taldeari.