Adierazi dutenez, «gure herrian baditugu gisa guzietako komertzioak: elikagai dendak, burdindegiak, arropa dendak, paper dendak, kirolak, loreak, bizikletak, farmazia eta optikak, etxeko tresnak erosteko aukera… Ostalaritzan ere eskaintza ezin hobea dugu, bezeroentzat erreferente direnak. Zerbitzuei dagokienez, berriz, ileapaindegi eta estetika, bidaiak, autoeskola, bitxi denda, estankoak, jostunak, iturginak, elektrizistak, zurginak, osasun mental eta psikologia zerbitzuak, erreflexoterapia, fisioterapia eta haurrei zuzendutako zerbitzu espezializatuak… ez da gutti».
Hortaz, «zorte handia dugu herrian bertan eskaintzen diren aukera guzti horiek edukitzeagatik, eta kontzientziazio lan bat egin nahi dugu, batez ere jende gaztearen artean, herrian erosteko edo kontsumitzeko joera ohitura bihurtu dadin. Herria bizirik eta aktibo mantentzea da gure erronka nagusietako bat».
Azkenik, «Larun Haizpek 20. urteurrena beteko du aurten, eta aitzindu nahi dugu, hori behar bezala ospatzeko, egun berezi bat prestatzen hasiak garela dagoeneko; aitzinago izanen duzue honen berri».