Ibilbide berria izanen du aurten lasterketak, Altzateko lanak tarteko, Kanttonberrin hasi eta bukatuko baita. Eta hala, Kanttonberri eta Legia karriketan trafikoan aldaketak eginen dituzte.
Kanttonberri karrika, adibidez, itxia egonen da igande goiz osoan, 09:00etatik 14:00etara. Horrekin batera, larunbatean 13:00etatik aitzinera, ezin izanen da aparkatu Kanttonberri karrikan, igandeko 15:00 arte.
Legia karrikako 41-55 zenbakiak eta Kanttonberri karrikako gibelaldea ere itxiak egonen dira igandean, lasterketak irauten duen bitartean, 09:30etik 13:30era.