Egitarau zabalarekin datoz aurten ere Lesakako inauteriak. Ortzeguneko Arraultze-Arraultze eskearekin hasita, larunbat eguerdian eta gauean ere giroa izanen da, igandean zakuzahar handi nahiz ttikien harat-honatak eta astelehenean karrozak ibiliko dira, Albistur karrikako obrengatik ibilbide egokituarekin. Fraindarrak eta Goitarrak ere ibiliko dira auzoz auzo eta baserriz baserri. Herriko Etxeak inauterietan «errespetuz eta zentzuz ibiltzea» eskatu die herritarrei eta bisitariei, «herria eta bertakoak zainduz, denok inauteriez ahalik eta gehien gozatu ahal izateko».
Otsailak 12, Ortzegun Gizen
Goizean haurrak Arraultze-arraultze ibiliko dira.
Otsailak 15, igandea
17:00etan zakuzahar ttikien kalejira herriko pilotalekutik abiatuta Lesaka Trikitixa Taldeak lagunduta. 18:00etan dantzaldia Plaza Zaharrean ITZAL erromeria Taldearekin. 19:00etan Zakuzaharrak herriko pilotalekutik abiatuko dira Lesakako Musika Bandak lagunduta. Goitarrak: goizean Auzoberri, Endara, Zala, Katazpegi eta Nabazen barna baserriz baserri ibiliko dira eskean eta dantzan eta ilunabarrean herrian.
Otsailak 16, astelehena
Eguerdi aldean mozorroak eta karrozak ibiliko dira herrian barna. Herriko etxeak jakinarazi duenez, Albistur karrikako obrak direla eta, karrozen ibilbidea aldatu egin beharko da. Zarandia karrikatik Ziobi aldera doan bidetik eginen da. Bide hori egun horretarako bereziki prestatuko da. 18:00etan dantzaldia Plaza Zaharrean Imanol Intxausti eta Iñigo Larrañagarekin. Fraindarrak, goizean Otsango eta Frain auzoetan barna baserriz baserri ibiliko dira eskean. Eguerdi aldera herrian barna eginen dute eskea.
Otsailak 17, asteartea
Fraindarrak, goizean Izotzaldea auzoan barna baserriz baserri ibiliko dira eskean. Arratsaldean herrian barna eginen dituzte harat-honatak.
