Aziendarik ez, baina herri kirolariek ez dute hutsik egin. Aizkoran, altuerako aizkoran, arpanean, harri altxatzen... erakustaldia egin dute kirolariek Plaza Zaharrean. Herri kirolen ondotik, Xabat Illarregi eta Miren Artetxe aritu dira plazako kioskotik bertsotan. Bertsolarien ondotik, Lesakako preson aldeko mugimenduak zerri baten zozketa egin du, eta 0238 zenbakiarentzat izan da zerria.
Arratsaldean ere zer egin eta zer ikusi izanen da. 18:00etan pilota partiduak izanen dira frontoian eta tenore berean dantzaldia eginen dute Plaza Zaharrean. 19:00etan, berriz. Beti Gazte kantari taldea Alondegiko arkupean elkartuko da kantuan aritzeko.
