Ortziralean, uztailaren 25ean, hasiko dira bestak 13:00etan mezarekin. Ondotik, suziria piztuko dute eta Maddi Ane Txoperena eta Josu Sanjurjo bertsolariak ariko dira kantari. Eguna borobiltzeko, auzotarren bazkaria eginen dute 14:30ean.
Larunbatean, uztailaren 26an, izanen du segida bestak 11:00etan pilota partidekin. Ondotik, gaiteroak ariko dira auzoan barna jotzen.
Arratsaldean, Alkaiaga Trail lasterketa eginen dute, 17:00etan haurrena eta 17:30ean helduena. Lasterketan parte hartzeko izen ematea irekia dago eta aitzinetik alkaiagatrail@hotmail.com helbidera mezu bat bidalita, zein egunean bertan egiten ahal da.
Lasterketa bukatzean, 19:30ean, Gure Txokoa Dantza Taldearen emanaldia izanen da, eta, ondotik bokata jatea eginen dute. 21:00etan AC/DC taldearen bertsioak egiten dituen The Malcolm Young Band taldearen kontzertua izanen da eta bestak borobiltzeko DJ Endara ariko da.