Dantza taldeak jakinarazi duenez, «Jaione eta Ttarratto 30 urte inguruz dantzan aritu dira eta beraiek izan dira bertze hainbertze dantzariekin batera, gure dantzak bizirik mantendu dituztenak, dantzak berreskuratu ondotik». Kontatu dutenez, ttikitan dantzatzen hasi ondotik, irakasle lanetan ere aritu ziren. «Herrian ez ezik, inguruko herrietan Berako dantzak irakatsi izan dituzte, baita bertze herrietako dantzak guregana ekarri ere. Beraien lanari esker, gure ondarea aberastu eta belaunaldi berriei transmititzea lortu da».
Hirugarren urtea da Gure Txokoa Dantza Taldeak herritarrak omentzen dituena Aita Joxeperen eta laguntzaileen papera gorpuzteko aukera emanez. Lehen urtean Martin Goikoetxea 'Goiko' argazkilaria omendu zuten, eta bigarrenean Rosa Mari eta Jose Antoni 'Totono' Errandonea argazkilariak eta artxibatzaileak.