Ortziraleko aurkezpenaren ondotik bertze lau herrietan ere emanen dute dokumentala. Larunbatean, otsailaren 1ean, 19:00etan Berako Kultur Etxean izanen da aurkezpena. Arantzan, Etxalarren eta Igantzin, berriz, otsailaren 7an emanen dute 19:00etan. Arantzako emanaldia liburutegian izanen da, Etxalarkoa kultur etxean ta Igantzikoa eskolzarrean.
Euskararen biziberritzearen alde 1970eko eta 1980ko hamarkadatan egindako lana biltzen du dokumentalak. Juana Larralde eta Patxi Larretxea aranztarrak; Bittori Telletxea, Bixente Taberna, Itxaro Aranibar, Ixa Ordoñez, Joxe Mari Iratzoki, Patxi Iñigo eta Pepi Olaetxea beratarrak; Joxema Irigoien eta Kontxexi Arangoa etxalartarrak; Joxepa Etxeberria eta Oskar Txoperena igantziarrak; Amaia Abuin, Antton Erkizia, Eduardo Conde, J. Emilio Txoperena Txoltxan, Kontxi Erro eta Manolo Arozena lesakarrak eta Goldarazko Mikel Legarra dira protagonistak.
