Elkarteko postuez gain, Lesakako artisauek ere paratuko dituzte bere salmahaiak, baita Tantirutalo postu solidarioa ere, Izan Iñurri elkartearen alde.
600 eurotan baloratutako bidaiaren zozketa
Gurekin Lesakako Zerbitzuen Elkarteak bezeroen fideltasuna eskertzeko kanpaina ere abian da, Lesakako Udalaren laguntzarekin. Honela, azaroaren 15etik abenduaren 4ra arte egiten dituzten erosketen truke, Berako B. Travel bidaia agentzian, 600 eurotan baloratutako bidaia baterako opari txartelaren zozketan sartuko dira (izen-abizenak eta telefonoa txartel batean apuntatuta eta kaxa batean sartu behar dute). Zozketa Eguberrietako Azokan eginen dute.
