Maria Maldonado Alconada Irungo margolariak lortu zuen lehenbiziko postua eta 750 euro jaso zituen. Iruñeko Felix Flamarique Martinez artistak lortu zuen bigarren saria, 400 eurokoa. Etxeko margolariaren saria Rakel Arlegi Goienetxek lortu zuen, 200 euro.
Haurrek ere parte hartzeko aukera izan zuten, hiru kategoriatan banatuak; A kategorian Gorka Etxarte Abuin izan zen irabazlea, B mailan Zuhatz Oiartzabal Larralde eta kategoria ttikienean Unax Maia Larralde. Sariak Gurekin Lesakako Zerbitzu Elkarteak eskainitako 30 euroko bonuak izan ziren eta Ainara Alberrok eman zituen.
Maria Maldonado irundarrak irabazi du Lesakako XI. Margo azkarreko lehiaketa
Artistaz bete zen Lesaka igande goizean. 'Lesakako herrigunea’ zen margoen gaia eta herriko karrikak izan ziren protagonista Beti Gazte elkarteak hamaikagarren urtez Elias Garralda zenaren omenez antolatutako margo azkarreko lehiaketan margotutako koadro guztietan. Javier Igoa, Garbiñe Larralde eta Jon Zabaleta margolariek osatutako epaimahaiak aukeratu zituen irabazleak.
Erlazionatuak
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun