Ortziralean Donibane Lohizunen izandako hilketa salatzeko elkarretaratzea deitu du Berako Goldatz talde feministak gaur. Mukixu zubian elkartuko dira 19:00etan 'Erasorik ez, erantzunik gabe' lelopean. Baztango Mugimendu Feministak, berriz, bihar eginen du elkarretaratzea, 19:00etan Elizondoko plazan.
Ortziralean aurkitu zuten emakume baten gorpua Donibane Lohizuneko hotel batean. Gertatutakoa argitzeko ikerketak zabalik segitzen du, baina, prokuradoreak «feminizidioa» izan dela aipatu du, hilketa matxistaren hipotesia indartuz. Ustezko hiltzailea, hildakoaren bikotekidea, atxilotuta dago.
2003tik Euskal Herrian hil duten 119. emakumea da, eta aurtengo lehenbizikoa.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.