Klinikak harrera ona izan du hasieratik; «inguruko biztanleek aunitz estimatzen dute klinika euren etxetik hurbil izatea, eguneroko eginbeharrekin errazago segitzeko aukera ematen dielako. Aunitz eskertzen dugu jaso dugun harrera beroa».
Zortzi lagunek osatzen dute lantaldea gaur egun: Markel Telletxea ortodontzian, odontopediatrian, hortzetako estetikan, ahoko protesietan eta odontologia orokorrean, Mikel Telleria ahoko kirurgian, periodontzian eta inplantologian, Lourdes Neira ahoko protesian eta odontologia orokorrean, Markel Etxeberria endodontzian, Ainara Altzuri higienista, Ainhoa Arrieta eta Eukene Iraola laguntzaileak eta Maider Salaberria administrazioan.
Astelehenetik ortziralera goiz eta arratsaldez egiten dute lan, baita larunbat goizetan ere, «eta aste tartez lanagatik etorri ezin direnek aunitz eskertzen digute».