Iñaki Olanok 1.44.53ko denbora osatu zuen, errekorretik urruti. Bigarren postuan Damien San Martin sailkatu zen bi minutu eta hamar segundura (1.46.33) eta hirugarren postuan Xabier Macias (1.47.20). Hodei Lujanbio goizuetarra gelditu zen laugarren postuan, eta Josu Urrestarazu borzgarren postuan.
Damien San Martin lehen postuan iritsi zen Manttalera, eta ondotik lehen hiru lasterkariak segundo guttiren aldearekin ailegatu ziren Larhungo kaskora. Hala, jaitsieran erabaki zen irabazlea zein izanen zen.
Emakumezkoetan, aldiz, lehenengoz beratar bat gailendu zen: Maddalen Jimenez Andres. 2.12.17 behar izan zituen ibilbidea osatzeko. Bigarren postuan Itxaro Zabaleta leitzarra ailegatu zen (2.14.09), eta hirugarren postuan Maud Combarieu. Irene Artazcoz izan zen laugarrena eta borzgarrena, aldiz, Latane Arrospide.
| Gizonezkoak | Emakumezkoak |
| Iñaki Olano (1.44.53) | Maddalen Jimenez (2.12.17) |
| Damien San Martin (1.46.33) | Itxaro Zabaleta (2.14.09) |
| Xabier Macias (1.47.20) | Maud Combarieu (2.16.09) |
| Hodei Lujanbio (1.49.46) | Irene Artazkoz (2.17.59) |
| Josu Urrestarazu (1.51.52) | Latane Arrospide (2.22.06) |
Beteranoen kategorian horrela osatu zen podiuma:
| Gizonezko beteranoak | Emakumezko beteranoak |
| Alberto Barberena (1.58.35) | Maud Combarieu (2.16.09) |
| Sergio Serrano (2.03.39) | Nerea Amilibia (2.25.02) |
| Luis Lasa (2.07.12) | Nuria Mendibi (2.27.45) |
497 korrikalarik hasi zuten lasterketa, eta horietatik 464k lortu zuten helmugara iristea.
Irabazleak ezin izan du lortu Ariznabarretak 2014az geroztik duen errekorra (1.37.30) Ibardineko tarteko helmuga, 150 euroko saria zuena, Damien San Martinentzat izan da.
Taldeka Hiru Herri taldea gailendu zen, Idiazabalen aitzinetik.
Markel Barrio, Iker Sanchez eta Lide Lizeaga nagusi gazteetan
Gazte Trailean, Markel Barriok irabazi zuen proba Oihan Pikabea beratarraren eta Xabier Azconaren aitzinetik, 17 eta 18 urteko kategorian. Ibilbide bereko 14 eta 16 urte bitarteko kategorian, gizonezkoetan Iker Sánchezek eta emakumezkoetan Lide Lizeagak irabazi zuten.
Gazte Trailen aurten lehenengoz 9,5 kilometroko ibilbidea osatu zuten gazteek, eta amaiaerako zatia maratoi erdiko berbera izan zen.
Emaitza guztiak hemen daude ikusgai.
![[ARGAZKIAK] Ikusi hemen Berako Maratoi Erdian Larhunen ateratako argazki bilduma](https://erran.tok-md.com/argazkiak/nbr/cache/1713178526_tokikom_735x413.jpg)