Gure Txokoa Dantza Taldeak Rosa Mari eta Jose Antonio Totono Errandonea omendu zituen, eta beraiek izan ziren Aita Joxepe. Zehazki, Rosa Mari izan zen Aita Joxepe eta Totono bere laguntzailea.
Eguerdiko dantzen ondotik, arratsaldean izan zuen segida bestak, bazkariaren ondotik berriz ere dantzara atera baitziren.
Gaur segida izanen da inauterietako azkeneko eguna Beran. Goizean zingar arroltze eskea egiten ari dira baserrietan, eta eguerditik aitzinera karrozak ibiliko dira Altzate karrikaren inguruan. Inauteriak borobiltzeko, 18:00etan Bidez Batez taldearekin erromeria izanen da Toki Onako estalpean.