Otsailaren 4a, igandea, izanen da izena emateko azken eguna, eta galdetegi hau betez egin behar da. Desfilean parte hartuko duten denek bete beharko dute galdetegia, bai musikariek, bai dantzariek eta baita konpartsako kideek ere. Dantzarien kasuan, bikote bakoitzeko galdetegi bakarra bete beharko da.
Otsailaren 11n karrikara atera aitzinetik, otsailaren 6an 19:30ean eta 9an 20:00etan eginen dituzte entseguak Eztegara pilotalekuan. Bazkarirako txartelak ere egun horietan erosten ahalko dira 21 euroan. Diru horretatik 20 euro bazkaria ordaintzeko bideratuko dituzte, eta bertze euroa karrozaren apaingarriak erosteko.