Urtero-urtero, hutsik egin gabe Meltxor, Gaspar eta Baltasar erregeei ongietorria egiteko hitzordua antolatzen dute Arantzan. Aurten ere hala egin dute, baita duela hemeretzi urte ere, irudi hauetan ikus daitekeen bezala. Kotxe dotoreetan ailegatu ziren hiru erregeak 2004ko ilbeltzaren 5eko ilunabar hartan Arantzara, euren laguntzaileez inguratuta. Herriko trikitilari, pandero-jotzaile eta klarinete-jotzaileek ireki zieten bidea.
Herritarrek plazan egin zieten lehenbiziko ongietorria eta herritarrak agurtu ondotik, elizara joan ziren denak. Han hiru erregeek opariak banatu zizkieten neska-mutikoei. Nerea Alzurik egin zituen ekitaldia aurkezteko lanak, eta aukera probestuz, Joseba Olagarai TTIPI-TTAPA TELEBISTAko kazetariak hainbat haur elkarrizketatu zituen. Gainera ez Olagarai, ez Jon kameraria ez ziren esku hutsik bueltatu Arantzatik.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!