Agerrako ibilgailuak Alkaiagatik buelta emanez hurbildu ahal izanen dute herrira, eta alderantziz. Bortziriak eta Ibaialde karriketara, aldiz, sarbide txandakatua mantenduko da, eta baita errepide ondoko etxebizitzetara ere. Oinezkoentzako eta bizikletentzako pasabidea mantenduko da probak dirauen artean.
Bertzalde, Zalaingo ur depositutik herrigunerako ur sarea berritzeko lanak egiten ari da Berako Udala. Lan horiek direla eta, asteartetik ortziralera arte NA-8304 errepidea itxia egon da Foruen Plaza parean. Bukatu dituzte lanak zati horretan, eta beraz, bihartik aitzinera irekia egonen da errepide hori. Lanak bere osotasunean urtarrila bukaeran bukatzea aurreikusi dute.