11:30ean itxiko dute errepidea eta ordu berean aurkeztuko dituzte lasterketan parte hartuko dituzten autoak frontoiko aparkalekuan. 12:30ean aterako da lehen parte hartzailea.
Lasterkez gain, arratsaldean, 16:00etatik 19:00etara haurrentzako puzgarriak antolatu dituzte Lesakako pilotalekuan. Lasterketa bukatu ondotik, Lesakako Plaza Zaharrean eginen dute sari banaketa eta ondotik, Elutxa txarangak alaituko ditu karrikak.
21:30ean afari irekia izanen da Arranon eta abuztuaren 30a baino lehen eman beharko da izena 687 95 70 83 zenbakira idatzita. Gauerditik aitzinera musika izanen da plazan Hago Isilik eta Oier Mendizabalen eskutik.
Probaren 20. urteurrena dela eta, antolatzaileek probaren inguruko erakusketa antolatu dute Harriondoa kultur etxean. Asteartetik ortziralera 10:00etatik 13:00etara eta 16:00etatik 18:30era ikusten ahalko da, eta larunbatean eta igandean 10:00etatik 14:00etara.