Lesakako Rallysprint probaren hogeigarren edizioa eginen dute aurten. Horren aitzakian, probaren inguruko 'Karrera bat historian zehar' erakusketa antolatu dute eta ikusgai dago irailaren 3ra bitarte Harriondoa kultur etxeko komentuko aretoan.
Asteartetik ortziralera 10:00etatik 13:00etara eta 16:00etatik 18:30era ikusten ahalko da, eta larunbatean eta igandean 10:00etatik 14:00etara.
Erakusketan lasterketaren 20 edizioetan bildutako kartelak, argazkiak, bideak, parte hartzaileen zerrendak, sailkapenak, albisteak eta bertzelakoak bildu dituzte.
Larunbatean egin zuten inaugurazioa. Rallyaren 20. edizioa, berriz, larunbat honetan, irailaren 2an izanen da.