Larunbat arratsaldean hasiko dituzte alkaiagarrek auzoko bestak. 17:00etan haurren lasterketa eginen dute eta 18:00etan, aldiz, helduen proba. Lasterketa bukatu ondotik, 20:00etan besten hasierako altxaferoa botatuko dute eta ordubete beranduago, 21:00ean afaria izanen dute, bokata jatea.
Biharamunean, uztailaren 23an goizean pilota partidak izanen dituzte 10:00etan frontoian. Ondotik, 13:00etan meza izanen da auzoaren goiko aldeko plazan, eta 14:30ean auzotarren bazkaria. Bazkalondoa Beñat Mitxelena akordeoilariak alaituko du, eta eguna bukatzeko auzotarren zumba saioa izanen dute.