Manuelek hartu zuen aitaren lanbidea, «etxe ttiki hartatik atera eta pabiloi haundi batera mugitu ginen. Beratik Bortzirietara eta Bortzirietatik ingurura saltzen hasi ginen, lanak eraman gaituen lekura. Orain Nafarroako iparraldean aritzen gara banaketan; Bortziriak, Malerreka, Baztan…».
Gaur egun, seme-alabak hartu dute Manoloren lekukoa. «Mota guztietako edariak» saltzen dituzte; «gehienbat ardoa, zerbeza, esnea, likoreak… inguruko dendak eta jatetxeak hornitzen ditugu». Marka aunitzekin egiten dute lan, «baina saiatzen gara bertako produktuak banatzen; esnea, ura, hemen egindako zerbezak eta ardoak…».