Arantza Bizirik taldeak gonbidatuta, Sustrai Erakuntza Fundazioko Mikel Saralegi eta Martin Zelaia hurbildu ziren Arantzara. Haiek izan ziren Nafarroan energia berriztagarriek izan duten hedapenaz esplikazioak eman zituztenak. Hainbat datu eta informazio jakingarri paratu zituzten mahai gainean. Horiez gain, Endara Bizirik plataformako hainbat lagunek parte hartu zuten, eta eurek egin zuten ibilbidearen berri emateaz gain, hainbat informazio interesgarri partekatu zituzten.
Jendeak ederki erantzun zuen. Arantzako herritarrekin batera, inguruko herrietakoak ere hurbildu ziren eta hondarrean, ttiki gelditu zen Arantzako Herriko Etxeko pleno aretoa.