Calderonek gaineratu duenez, «enpresak akordioa bilatu nahi du, logikoa da, nahitaezko enplegu erregulazioak gobernuak gestionatu behar baititu, eta akordioa lortuta, errazagoa dute defendatzeko». Dena den, ezin izanen dute hasieran iragarritako egunean sartu indarrean. Apirilaren 1ean aplikatu nahi zuten, «baina ez die denborarik emanen».
Mahai horretatik kanpo gelditu da LAB sindikatua. Calderonek esplikatu duenez, «ez dugu % 5 enplegu erregulazio espedientea aplikatu behar den eremuan. Erregulazio espedientea Asturiasko klusterrean sartu nahi dute indarrean, eta hor Asturiasko planta, Etxebarriko planta eta Lesakako planta sartzen dira. Hiru lantegi horietan aplikatuko da espedientea».
Enplegu erregulazioari buruzko gainerako xehetasunak hurrengo asteko bilerarako utzi dituzte.
