Nafarroako kenpo-kai txapelketa eta klub arteko lehiaketa jokatuko dituzte maiatzaren 6an, 09:30etik aitzinera Berako Toki Ona kiroldegian. Horretaz gainera, egun horretan kenpo-kai afaria eta besta ere eginen dute Zubiondo sagardotegian eta asteburu osoan teknifikazio ikastaroa izanen dute.
Behin konpetizioa bukatuta, kenpo-kai afari-besta ere antolatu dute egun horretarako. Helduen menua (25 euro) eta haurren menua (13 euro) eskainiko dute. Afalondoan musika izanen dute Modesto Ordokirekin.
Berako eskolako kirolariak ere Tunisiako munduko txapelketara
Baztan eta Urdazubiko kenpo-kai eskolatik bezala, Berako eskolatik ere zenbait kirolari joanen dira irailaren 27tik urriaren 1era Tunisian jokatuko den munduko kenpo-kai txapelketara. Zehazki, Modesto Ordoki, Peru Newell, Iker Goikoetxea, Xabier de Kruz, Aimar Etxeberria, Ekai Etxeberria, Mikel Indaburu, Kattalin Pinillos eta Markel Sanchez izan dira aurre-hautatuak.